उपत्यकामा जेठ ३१ सम्म थपियो निषेधाज्ञा, रातिमा निर्माण सामग्रीका गाडी चल्ने

काठमाडौँ उपत्यकामा जेठ ३१ गतेसम्म निषेधाज्ञाको समय थप गरिएको छ ।

काठमाडौं, भक्तपुर र ललितपुरका प्रमुख जिल्ला अधिकारीको बुधबार बसेको बैठकले जेठ ३१ गतेसम्म निषेधाज्ञा लम्ब्याउने निर्णय गरेको हो ।

वैशाख १६ बाट जारी निषेधाज्ञालाई निरन्तरता दिँदै जेठ १४ बाट सो आदेशलाई थप कडा पारिएको थियो । जेठ १४ बाट उपत्यकामा बन्द गरिएको किराना पसल तथा खाद्यान्नका डिपार्टमेन्ट स्टोर बिहान ९ बजेसम्म खोल्न दिने निर्णय गरिएको छ ।

यस्तै, विकास निर्माणको काम खुला गरिएको छ । तर, निर्माण सामग्री ओसार्न राति मात्र दिइने छ । दिउँसो लेबर राखेर काम गर्न दिइने छ ।