कोरोनाका कारण राप्रपाको महाधिवेशन स्थगित

Sunrise Bank Middle Size

नेपालमा कोरोना भाइरसको दोस्रो लहरको महामारी अत्यन्त भयावह बन्दै गएको भन्दै राष्ट्रिय प्रजातन्त्र पार्टी (राप्रपा)ले आफ्नो महाधिवेशन अनिश्चितकालका लागि स्थगित गर्ने निर्णय गरेको छ । राप्रपा अध्यक्षत्रय थापा, पशुपतिशमशेर जबरा र डा. प्रकाशचन्द्र लोहनीको आज बसेको बैठकले यस्तो निर्णय गरेको हो ।

कोरोना महामारी बढ्दै गएकाले महाधिवेशन स्थगित गर्नुपरेको नेता मोहन श्रेष्ठले बताए । राप्रपाको महाधिवेशन यसअघि पनि स्थगित भएको थियो । वैशाख अन्तिम साता तोकिएको महाधिवेशन तयारी नपुगेको भन्दै २२–२५ जेठमा गर्ने तय भएपनि कोरोनाका कारण स्थगित गरिएको छ । महाधिवेशनको नयाँ मिति पनि उपयुक्त समयमा घोषणा गरिने जनाइएको छ ।

आफू सुरक्षित रहँदै कोरोना रोकथाममा परिचालित हुन राप्रपाले पार्टी पंक्तिलाई निर्देशन पनि दिएको छ । यसका साथै महामारी नियन्त्रण एवम् रोकथाममा सरकारको व्यवस्थापन कमजोर बनेकोमा चिन्ता व्यक्त गरेको छ ।

 

Prabhu Bank Middle Size
Kumari Bank Middle Size
Loading...