नेकपा एमालेले महानगर र उपमहानगरपालिकाका मेयर र उपमेयरका उम्मेदवार वैशाख १० गते बस्ने बैठकबाट छनोट गर्ने भएको छ ।
केन्द्रीय सचिवालयको बिहीबारको बैठकमा प्रदेशबाट सिफारिस भएर आएका नामहरूबारे छलफल भए पनि निर्णयका लागि अर्को बैठक वैशाख १० गते बोलाइएको प्रचार विभाग प्रमुख पृथ्वीसुब्बा गुरुङले बताए ।
उनले ६ महानगर र ११ उपमहानगरपालिकाका उम्मेदवारका लागि चितवन, विरगञ्ज र ललितपुरमा एकएक जना सिफारिस भएपनि अन्य तीन महानगरमा मेयरका उम्मेदवार धेरै रहेको बताए ।