काँग्रेस महाधिवेशन: मतदानको समय साढे १० बजेसम्मलाई थपियो

काँग्रेसको महाधिवेशनमा मतदानको समय फेरि थप गरिएको छ। निर्वाचन समितिले साढे १० बजेसम्मको लागि मतदानको समय लम्ब्याएको हो ।

यसअघि ५ बजेसम्मको लागि तय भएकोमा राति ९ बजेसम्म थपिएकोमा मतदान नसकिएकाले पुन थप गरिएको हो । राति साढे ८ बजेको सूचनाअनुसार ४ हजार ३ सयबढीले मतदान गरेका छन् । काँग्रेसमा कुल ४ हजार ७४३ मतदाता रहेका छन् ।

सभापतिको मतगणना सभागृहमा, अरु मत पार्टी कार्यालय लगिने
मतदान सकिएको एक घण्टामा मतगणना सुरु गर्ने तयारी छ । निर्वाचन समितिका सदस्य सचिव जगन्नाथ श्रेष्ठका सभापतिका उम्मदेवारहरुको मतगणना राष्ट्रियसभा गृहमा हुनेछ । १० स्थानमा मतगणना गर्ने तयारी छ ।

अरुको मतगणना भने पार्टी कार्यालय सानेपामा हुनेछ । मतदान सकिएलगतै मतपेटिकाहरुलाई सिलबन्दी गरेर पार्टी कार्यालय लगिने र सभापतिको गणना सकिएपछि मात्र गरिनेछ ।