१६.८२ अंकले घट्यो नेप्से, सबै परिसूचक राताम्य

सेयर बजार मापक नेप्से परिसूचक सोमबार ०.८३ प्रतिशतले घटेको छ । नेपाल स्टक एक्सचेन्जका अनुसार बजार परिसूचक नेप्से १६.८२ अंकले घटेर २००६.५२ को विन्दुमा पुगेको छ ।

यस दिन ७२ लाख २३ हजार ७७३ कित्ता सेयर दुई अर्ब ७९ करोड ७५ लाख ७७ हजार ४३२ रुपैयाँमा किनबेच भएको छ ।

सोमबार सबै उपसमूहको समूहगत सूचक घटेको छ । सबैभन्दा धेरै उत्पादन तथा प्रशोधन उपसमूहको समूहगत सूचक १.५९ प्रतिशतले घटेको छ ।

माछापुच्छ्रे डिबेन्चर २०८७ को सेयर मूल्य सर्वाधिक ७.०९ प्रतिशतले बढेको छ । यस्तै, मेन्छियाम हाइड्रोपावर लिमिटेडको सेयर मूल्य ७.०५ प्रतशितले घटेको छ ।

गुराँस लघुवित्त वित्तीय संस्था र डोल्टी पावर कम्पनी लिमिटेडको सेयर मूल्य सर्वाधिक १० प्रतिशतले घटेको छ ।