‘ग्लोबल आईएमई हाइब्रिड बचत खाता’ सञ्चालनमा

ग्लोबल आईएमई बैंकले एक वर्षदेखि पाँच वर्षसम्म रहने ‘ग्लोबल आईएमई हाइब्रिड बचत खाता’ सञ्चालनमा ल्याएको छ । उच्च ब्याजदर प्रदान गर्ने उद्देश्यले हाइब्रिड बचत खाता सञ्चालनमा ल्याएको ग्लोबलले जनाएको छ ।

बैंकका अनुसार, उक्त खातामा १ लाख रुपैयाँ बचत पुगेपछि सो बचत स्वतः मुद्दतीमा परिणत हुन्छ । साथै मुद्दतीमा परिणत भएको रकमको बैंकले मुद्दती खातामा प्रकाशित गरेको उच्चतम ब्याजदर कायम हुने बताइएको छ ।