सुर्खेतमा बम विस्फोट, दुई जना घाइते

सुर्खेतमा बम विस्फोट भएको छ । वीरेन्द्रनगर नगरपालिका–७, स्थित कट्कुवा सामुदायिक वनमा शनिबार बिहान पौने ११ बजे बम विस्फोट भएको हो । विस्फोटमा परी घाँस काट्न गएका दुई जना घाइते भएका छन् ।

घाइते हुनेमा दैलेखको गुराँस गाउँपालिका–६ की २१ वर्षीया लिला नेपाली र उनका भाइ १४ वर्षका नरेश परियार रहेका छन् । जिल्ला प्रहरी कार्यालय सुर्खेतका अनुुसार घाइतेहरुको स्थानीय देउती अस्पताल सुर्खेतमा उपचार भैरहेको छ ।  घाइते मध्ये एकजनाको अवस्था भने चिन्ताजनक छ ।  घटनाबारे थप अनुसन्धान भइरहेको प्रहरीले जनाएको छ ।