सुदूरपश्चिम प्रदेशमा नेकपा एमालेकै समर्थनमा नेकपा (एकीकृत समाजवादी)का संसदीय दल नेता दीर्घबहादुर सोडारी मुख्यमन्त्रीमा दाबी पेश गर्ने भएका छन् ।
नेकपा माओवादी केन्द्र, नेकपा एमाले, नेकपा एकीकृत समाजवादी, नागरिक उन्मुक्ति पार्टी (नाउपा) र एक जना स्वतन्त्र सांसदको समर्थनमा सोडारीले मुख्यमन्त्रीमा दाबी पेस गर्न लागेका हुन् ।
एमालेले सोडारीलाई समर्थन गर्न सुरुमा अनिच्छा देखाए पनि गठबन्धन जोगाउनका लागि अन्तिममा समर्थन गर्न तयार भएको नेताहरूले बताएका छन् ।
नागरिक उन्मुक्तिको रेशम चौधरी पक्षले भने समर्थन नगर्ने भएको छ । रेशम पक्षले समर्थन नगरे पनि २७ जना पुग्ने भएकाले सोडारीले बहुमतका आधारमा सोडारीले दाबी पेश गर्न लागेका हुन् ।
नेपाली कांग्रेसका सभापति शेरबहादुर देउवा र एकीकृत समाजवादीका अध्यक्ष माधव कुमार नेपालबीच बुधबार साँझ कांग्रेस केन्द्रीय सदस्य नारायण खड्काको निवास गोल्फुटारमा छलफल भएको थियो । उक्त छलफलमा सुदूरपश्चिम मुख्यमन्त्रीमा सोडारीलाई सहयोग गर्नेबारे सहमति भएको थियो ।