नेपालमा शनिबार थप २ हजार ३२८ जनामा कोरोना पुष्टि, ३ हजार ६६ जना सङ्क्रमणमुक्त

नेपालमा शनिबार थप २ हजार ३ सय २८ जनामा कोरोना पुष्टि भएको छ । देशभर गरिएको ५ हजार ८ सय ३७ वटा पिसिआर परिक्षणका क्रममा १ हजार ५ सय २७ ४ हजार २ सय ९६ एन्टीजेन परिक्षणका क्रममा ८०१ जनामा कोरोना पुष्टि भएको स्वास्थ्य मनत्रालयले जनाएको छ । यो संगै नेपालमा कोरोना संक्रमितको संख्या ६ लाख ८१ हजार १३६ पुगेको छ ।

त्यस्तै थप १९ कोरोना संक्रमितको मृत्यु भएको छ । हालसम्म नेपालमा ९ हजार १ सय ९८ जनाले कोरोनाका कारण ज्यान गुमाएका छन् । त्यस्तै थप ३ हजार ६६ जना कोरोनामुक्त हुँदा हालसम्म नेपालमा ६ लाख ६ हजार ६ सय ६६ जना संक्रमित कोरोनामुक्त भएका छन् ।

हाल नेपालमा २७ हजार ७१६ सक्रिय संक्रमित आइशालेशन र २९५ जना क्वारेन्टाइनमा छन् । नेपालमा अहिलेसम्म ३३ लाख ६३ हजार ६६६ वटा पिसिआर र २ लाख ९ सय ९२ वटा एन्टीजेन परिक्षण गरिएको मन्त्रालयले जनाएको छ ।