सोमबार प्राविधिक समस्या देखिएको बुद्ध एयरको जहाज मंगलबार बिहानैबाट संचालनमा आएको छ । सोमबार काठमाडौंबाट उडेको वुद्ध एयरको विमानमा प्राविधिक समस्या देखिएपछि विराटनगर विमानस्थलमा अवतरण हुन सकेको थिएन । जहाज विराटनगर अवतरण गर्ने क्रममा ल्याण्डिङ गियर इण्डिकेटरमा समस्या देखिएको थियो ।
सोमबार काठमाडौं विमानस्थलमा अवतरण भएसँगै बुद्ध एयरका इन्जिनियर र नेपाल नागरिक उड्डयन प्राधिकरणका प्राविधिकले जहाजको जाँच गरेका थिए । चेकजाँचका क्रममा जहाजमा समस्या नभएको बताएपछि प्राधिकरणले उडान अनुमति दिएको हो ।
इन्जिनियरले जहाज ठीक भएको रिपोर्टिङ नियमनकारी संस्था हवाई सुरक्षा विभागलाई गरेपनि उक्त जहाजलाई उडानका लागि अनुमति दिइएको हो । मंगलबार बिहान साढे १० बजेसम्म उक्त एटीआरले काठमाडौं–सिमरा दुईपटक उडान गरेर फेरि काठमाडौंबाट पोखरा उडान गरेको छ ।