यस्तो छ आज २०८१ साल वैशाख १ गतेको राशिफल

वि स २०८१ साल वैशाख १ गते शनिबार । इश्वी सन २०२४ अप्रिल १३ तारीख । चैत शुक्लपक्ष पञ्चमी तिथी मृगशिरा नक्षत्र शोभन योग कौलव करण चन्द्रमा वृष राशिमा आनन्दादि योगमा वज्र योग कालयुक्त नाम संवत्सर सुर्य उत्तरायण वसन्त ऋृतु वैशाख संक्रान्ति नव वर्षारम्भ, टोखाको सपन तीर्थमास्नान ,नव वर्षारम्भ, चम्पादेवी मेला, भक्तपुरमा विस्केटको लिङ्गो ढाल्ने, विस्केट जात्रा ।

मेष- चु, चे, चो, ला, लि, लु, ले, लो, अ
आज रमणीय र सुखद् यात्राको योग छ । मनमा हर्ष, उमङ्ग र उत्साह रहला । अग्रजहरूको सुझाव अनुसार अवसर पहिल्याउन सकिनेछ ।

वृष- इ, उ, ए, ओ, वा, वि, वु, वे, वो
आज श्रमदान गर्ने अवसर मिल्नेछ । कुनै कुराले मनमा शान्ति छाउनेछ । प्रेममा सफलता प्राप्त हुनेछ । शुभकार्यको चर्चा पनि चल्नेछ ।

मिथुन- का, कि, कु, घ, ङ, छ, के, को, हा
आज स्वास्थ्यमा समस्या आउँदा शरीर भारी र मन अस्थिर रहन सक्छ । मनमा चञ्चलता बढ्नेछ, तर साँझमा शुभ समाचार सुन्नमा आउला ।

कर्कट- हि, हु, हे, हो, डा, डि, डु, डे, डो आज आकस्मिक धनलाभ हुनेछ । महिला वर्गबाट सहयोग मिल्नेछ । कूटनीतिक नियोगको सहयोग मिल्ला । पारिवारिक सद्भाव पनि बढ्नेछ ।

सिंह- मा, मि, मु, मे, मो, टा, टि, टु, टे
आज विशिष्ट व्यक्तिको भेटघाटले मन प्रसन्न हुनेछ । लगनशीलताले कामहरू अगाडि बढ्नेछन्, तर यात्रा गर्दा चै दुख पाइन सक्छ ।

कन्या- टो, पा, पि, पु, ष, ण, ठ, पे, पो
न्यायिक कार्यमा सफलता मिल्नेछ । आँटेको र ताकेको कार्य पुरा होला । आफन्तको प्रगतिमा मन रमाउनेछ । वस्त्र एवं अलंकार प्राप्ति हुनेछ ।

तुला- रा, रि, रु, रे, रो, ता, ति, तु, ते
आज स्वास्थ्य सम्बन्धी चिन्ता बढ्नेछ । सौन्दर्यतामा धन खर्च हुनेछ, तर रातो रङ्गको पहिरनले चुनौतीबाट मुक्त हुन सहयोग पुर्‍याउनेछ ।

वृश्चिक- तो, ना, नि, नु, ने, नो, या, यि, यु
आज शुभ समाचार सुन्न पाइएला । कला र गलाको प्रभाव बढ्नेछ । मनमा हर्ष, उमङ्ग र उत्साह छाउला । वैदेशिक कार्य पनि अघि बढ्नेछ ।

धनु- ये, यो, भा, भि, भु, धा, फा, ढा, भे
धनार्जनका नयाँ स्रोतहरू पत्ता लाग्नेछन् । कला र गलाको प्रभाव बढ्नेछ । विशिष्ट व्यक्तिबाट हौसला प्राप्त हुनेछ । रोमाञ्चक यात्रा पनि होला ।

मकर- भो,जा,जि,जु,जे,जो,ख,खि,खु,खे,खो,गा,गि
आज अरूलाई प्रभावित पारेर काम बन्नेछ । चलाखीपूर्ण बोलीले सङ्कल्प सिद्ध हुनेछ । आयआर्जनका क्षेत्रमा सुधार आउनेछ ।

कुम्भ- गु, गे, गो, सा, सि, सु, से, सो, दा
मनमा दुबिधा उत्पन्न हुनेछ । आफ्नो अधिकार प्राप्तिका लागि संघर्ष गर्नु पर्ला, तर अरूको मुख नहेरी सही निर्णय लिन सके अवसरहरू प्राप्त होला ।

मीन- दि, दु, थ, झ, ञ, दे, दो, चा, चि
घरमा अतिथिको आगमन हुनेछ । बोलीको भरमा कार्य सम्पादन हुनेछ । आफन्तको प्रगतिमा मन रमाउनेछ । शैक्षिक क्षेत्रमा सफलता मिल्नेछ । राशिफल जे जस्तो भएपनि तपाईंको दिन मङ्गलमय रहोस् ।

फेसबुकबाट प्रतिक्रिया
सम्बन्धित समाचार