आजदेखि इभी एक्स्पो : यी हुन प्रदर्शन विद्युतीय सवारी साधन

नाडा अटोमोबाइल्स एशोशिएसन अफ नेपालले आजदेखि ‘नाडा इभी एक्स्पो २०२२’ आयोजना गर्दैछ। नाडाले असोज ६ गतेदेखि ९ गतेसम्म उक्त एक्स्पो आयोजना गर्ने भएको हो ।

असोज ६ देखि ९ गते सम्म नेपालमा पहिलो पटक विद्युतीय सवारी साधन, पार्ट पुर्जा, वित्तिय सेवा एवं अन्य सम्बन्धित सरोकारवाला संघ संस्थाहरुको भव्य प्रदर्शनी “सिएट द्वारा प्रायोजित नाडा इभि एक्स्पो २०२२”आयोजना गरिने भएको हो ।

काठमाडौंको भृकुटी मण्डप प्रदर्शनी स्थलमा आयोजना हुने उक्त एक्स्पोमा नेपाल विद्युत प्राधिकरण सहयोगी संस्थाको रुपमा सहभागि भएको छ भने यूएसआइडी क्लिन एयरले नलेज पार्टनरको रुपमा इभी चौतारी नामक तीन दिने सुचनामूलक गोष्ठीको सन्चालन गर्ने भएको छ ।

एक्स्पोमा ९ वटा ब्राण्डका चार पाङग्रे, एउटा तीन पाङग्रे, १६ वटा ब्राण्डका दुई पाङग्रे, ३ वटा ब्राण्डका टायर, २ वटा ब्राण्डका ब्याटरी, ९ वटा पार्ट–पुर्जा, ग्यारेज उपकरण कम्पनी एवं अटो पत्रिका तथा ४ वटा वित्तिय संस्थाहरुको सहभागिता रहने छ ।