ताला खोल्न त्रिविको आग्रह

त्रिभुवन विश्वविद्यालय (त्रिवि)ले विभिन्न विद्यार्थी संगठनहरूले गरेको तालाबन्दी खोल्न आग्रह गरेको छ। सोमबार एक विज्ञप्ति जारी गर्दै तालाबन्दीले गर्दा आर्थिक तथा प्रशासनिक काम रोकिएको भन्दै त्रिविले ताला खोल्न आग्रह गरेको हो।

त्रिविले दशैँ तिहारजस्ता चाडपर्व नजिकिँदै गर्दा शिक्षक तथा कर्मचारीहरुलाई तलब दिन नसकिएको जनाएको छ। त्रिविका अनुसार शिक्षक कर्मचारीहरुको २०७९ असार महिनाबाट तलब, पेन्सन पाएका छैनन्।

‘त्रिवि केन्द्रीय कार्यालय लगायतका निकायहरुमा लगाइएका तालाहरु यथाशीघ्र खोली आर्थिक तथा प्रशासनिक कार्यहरु सूचारु गर्नका लागि सहयोग गर्न सम्बन्धितसँग जोडदार माग गर्दछौँ,’विज्ञप्तिमा उल्लेख छ।

वार्ताको माध्यामबाट समस्याको दिगो समाधान गर्न त्रिविले आग्रह गरेको छ।