अधिकारी महानिर्देशक बनेपछि हचुवाका भरमा गरेको सातौं निर्णय पनि फेल

मौसम पूर्वानुमान महाशाखाले भन्यो : ईन रुट फोरकास्ट गर्न तत्काल असम्भव

जल तथा मौसम विज्ञान विभागले नेपाल नागरिक उड्डयन प्राधिरकणले भने जस्तो आन्तरिक उडानको ‘इनरुट फोरकास्ट’ गर्न सम्भव नहुने बताएको छ । तारा एयरको नाईनएनएईटी विमान पोखरा जोमसोम रुटमा दुर्घटनामा परेपछि प्राधिकरणले हचुवाको भरमा ल्याएको आन्तरिक उडानको ‘इनरुट’ मौसमी पूर्वानुमान (फोरकास्ट) गर्न नसक्ने विभागले बताएको हो ।

मौसम विभागले एक सूचना जारी गर्दै यसका लागि प्रविधि र जनशक्तिको अभाव रहेको भनेको छ । उता प्राधिकरणले आन्तरिक उडानमा इनरुट मौसमको पूवार्नुमान गरेर उडान भर्न दिएको निर्देशनलाई अन्य सरोकारवालाहरुले समेत सतही र हावा निर्णयको संज्ञा दिएका थिए । प्राधिकरणकोे प्रमुखमा असाध्यै विवादित पृष्ठभूमिका प्रदिप अधिकारी आएपछि हचुवामा गरिएको यो सातौं निर्णय हो । यसअघि पनि अधिकारीले गरेको निर्णय हावादारी भन्दै सरोकारवाला अन्य निकायले अवज्ञा गर्ने तथा सच्चाउन लगाउने गरेका छन । अघिल्लो महिनामात्रै अध्ययनबिनै चौबिस घण्टा सेवा सञ्चालन गर्ने निर्णयमा बायुसेवा सञ्चालक संघले तयारी बिनै गरेको भन्दै यसको अवज्ञा गर्ने चेतावनी दिएको थियो । सोही चेतावनीका कारण अधिकारीको निर्णय कार्यन्वयनमा आउँन सकेन ।

यसबाहेक धेरै निर्णय गर्दा सरोकारवालासँग छलफल र परामर्शबिना नै गर्ने, संस्थागत हितभन्दा व्यक्तिगत लाभमा मात्रै केन्द्रित हुने जस्ता एकपछि अर्को विषयमा अधिकारी निरन्तर विवादमा तानिएका छन । आर्थिक चलखेलमार्फत विवादित व्यक्तिलाई महानिर्देशक बनाउने नेपालको नागरिक उडडयान क्षेत्र थप धुमिल बन्दै गएको प्रति अहिले यस क्षेत्रका विज्ञहरुले निरन्तर चिन्ता व्यक्त गदै गएका छन ।

पछिल्लो निर्णयमा गलत भएको भन्दै सार्वजनिक सुचना नै जारी गरेको विभागको मौसम पूर्वानुमान महाशाखाले हवाई मौसम सेवा अन्तर्गत अन्तर्राष्ट्रिय हवाई उडानका लागि आवश्यक मौसमी सूचना तथा इनरूट पूर्वानुमान दिँदै आएको छ । तर, आन्तरिक हवाई उडानका लागि काठमाडौं विमानस्थलको मौसम अवलोकन सूचना मात्र दिँदै आएको विभागले यसावाहेक प्राधिकरणले भनेजस्तै देशभरको इनरुट मौसम सुचना दिन सम्भव नहुने भएकाले यसलाई सच्चाउनुपर्ने माग गरेको छ ।

आन्तरिक उडानका लागि हाल उपलब्ध जनशक्ति र प्रविधिहरुको माध्यमबाट मौसमी सूचना मात्र दिन सकिने र दैनिक क्षेत्रगत मौसमी अवस्थाको ब्रिफिङ मात्र गर्न सकिने विभागको सूचनामा उल्लेख छ ।

त्यस्तो सूचना कसले दिने भन्नेबारे अन्योल छ । सरकारको यस्तो निर्देशनपछि पहाडी र हिमाली क्षेत्रमा हुने उडान प्रभावित भएको छ ।उता नेपालमा आन्तरिक उडान भर्दै आएको विमान कम्पनी र यसमा कार्यकरत विज्ञ कर्मचारीहरुले समेत यो निर्णय हचुवाको भरमा आएकाले यसले पुरै उडान क्षेत्रलाई अस्तव्यस्त बनाउने भन्दै सच्चाउन सुझाव दिएका थिए ।

प्रधाकरणले भनेअनुसार नै यदि इनरुटको मौसम उडानयोग्य भएपछि मात्रै उडानको अनुमति लिने हो भने काठमाण्डौबाट नेपालगंज जाने विमानले धादिङ नुवाकोट हुदै गोरखाको मनकामना क्षेत्रमा बादल वा पानी पर्दा समेत पुरै उडान रोकेर बस्नुपर्ने हुन्छ । नेपालगंज र काठमाण्डौंको मौसम खुला हुदाँ सम्भव हुने यस्ता उडान गोरखाको मनकामना क्षेत्रमा बादल लाग्दा रोकिनु व्यवहारिक हुदैन नागरिक उडड्यान क्षेत्रका बिज्ञ भन्छन ।

कुनै न कुनै लेकमाथि बादल र प्रतिकुल हावा निरन्तर चल्ने भएकाले हरेक समय पुरै देशभरको मौसम क्लियर हुने नेपालको सन्दर्भमा सम्भावनै छैन । यस्तो अवस्थामा दिनैभर इनरुटको मौसम कुरेर उडान बन्द गरेर बस्नुपर्ने अवस्था आउँछ यो कसरी सम्भव हुन सक्छ बिज्ञहरूको प्रश्न छ ।

गौतमबुद्ध अन्तर्राष्ट्रिय विमानस्थल निमार्णमा गम्भीर त्रुटि, वाइडबडी जहाज सञ्चालन गर्न नसकिने

 

महानिर्देशकको अवैध नियुक्ती जोगाउन सुनुवाई लम्बाउने खेलले दैनिक राज्यलाई करोडौं क्षति

 

नागरिक उडड्यान प्राधिकरणको अदालतलाई चुनौति, क्षेत्रीले न्याय खोज्न जाने कहाँ ?

 

२५ दिन पनि टिकेन २५ केजीको माला, प्राधिकरणको महानिर्देशकमा फर्किए क्षेत्री

 

नवनियुक्त महानिर्देशकको चर्चा कमाउने फण्डा विवादमा

 

अर्बों भष्ट्राचारमा मुछिएका व्यक्ति नागरिक उड्डयन प्राधिकरणको महानिर्देशक

फेसबुकबाट प्रतिक्रिया
सम्बन्धित समाचार