५३ जना सवार बस भीरबाट खस्दा २९ जनाको मृत्यु

मध्य फिलिपिन्समा बस भीरबाट खस्दा २९ जनाको मृत्यु भएको छ । मध्य फिलिपिन्सको एन्टिक प्रान्तमा मंगलवार एउटा यात्रुवाहक बस भीरबाट खस्दा कम्तीमा २९ जनाको मृत्यु भएको स्थानीय अधिकारीहरूले बताएका छन् ।

५३ यात्रु बोकेको बस इलोइलो शहरबाट पश्चिमतर्फ एन्टिकको सान जोसे डे बुएनाभिस्टातर्फ जाँदै गर्दा साँझ ४ः३० बजेतिर १५ मिटर गहिराइको खाडलमा खसेको थियो ।

प्राचीन प्रान्तीय सूचना कार्यालयका प्रमुख जुनली सायलोले रेडियो अन्तर्वार्तामा २५ जनाको घटनास्थलमै र चार जनाको स्थानीय अस्पतालमा उपचारका क्रममा मृत्यु भएको बताउनु भयो । मृत्यु हुनेमा बस चालक र सहचालकसमेत छन् ।