फलाई दुबई ५७६ इञ्जिनमा गौथली बसेकाले बिष्फोटसहित आगो देखिएको अनुमान

सोमबार साँझ काठमाण्डौबाट दुबईका लागि उडेको ५७६ बिमानको इञ्जिनमा गौथली बसेर बिष्फोटसहितको आगो देखिएको अनुमान गरिएको छ । बिमानको इञ्जिनमा आगो देखिएपछि आकष्मिक  अवस्थाको जानकारी दिएर फेरि गन्त्व्यमै लागेको बिमानको चेकजाँचमा धावनमार्गमा मरेका गौथली भेटिएपछि यस्तो अनुमान गरिएको हो ।

फलाई दुबईको उक्त बिमानमा टेकअफ लगत्तै बिष्फोटको आवाजसहित आगो  देखिएको थियो । बिमानमा ठुलो बिष्फोटसहित आगो देखिएपछि बिमानले टावरलाई म पुरै इमरजेन्सीमा छु भन्ने जानकारी गराएको बिमानस्थल स्रोतले टिभी अन्नपूर्णलाई जानकारी दिएको छ । बिमानमा आगो सहितको बिष्फोटको आवाज आएलगत्तै इमरजेन्सीको सुचना पाएपछि त्रिभुवन अन्तराष्टिय बिमानस्थलमा अन्य उडान रोकेर आकष्मिक अवतरणको तयारी गरेपनि आन्तरिक चेकजाँचमा बिमान सामान्य अवस्थामा फर्किएको यकिन भएपछि बिमान गन्त्व्यतर्फ लागेको छ ।

आकष्मिक अवस्थाबारे पाईलटले टावरलाई जानकारी गराएपछि धार्केको आकाशमा बिमान होल्ड गरेर आन्तरिक जाचँ गर्दा सामान्य स्पार्क बाहेकको समस्या  नभएपछि टावरलाई सुचना दिएर बिमान   भारतीय आकाश हुदै गन्त्व्यतर्फ लागेको हो । ।

बिमानको इञ्जिनमा स्पार्क आएर नर्मल अवस्थामा फर्किएपछि टावरलाई ९ः५९ मा नर्मल रिर्पोट गरेर वि विल कन्टिन्यु भन्दै दिल्लीतर्फ गएको त्रिभुवन बिमानस्थल स्रोतको भनाई छ ।

सामान्य अवस्थाको जानकारी दिएपछि बिमान एल ६२६ रुट हुदै जहाज दुबईतर्फ लागेको छ । अहिले बिमान भारतीय आकाश हुदै गन्त्व्यतर्फ उडान गरिरहेको छ । बिमान राती १ः३१ मा दुबई बिमानस्थलमा अवतरण हुनेछ ।

यसको प्रारम्भिक चेकजाँचमा गौथली बिमानको इञ्जिनमा पसेकाले बिमानमा आगो देखिएको अनुमान गरिएको छ । धावनमार्गमा मरेको गौथली भेटिएकाले यस्तो अनुमान गरिएपनि यो औपचारिक रुपमा पुष्टि भने गरिएको छैन । जहाज दुबई अवतरणपछि यसको प्राविधिक जाचँ गरेर बास्तविकता पत्ता लाग्ने फलाई दुबईले टिभी अन्नपूर्णलाई जानकारी दिएको छ । बिमानमा आगोको मुस्लो सहितको बिष्फोटको आवाज सुनिएपछि बिमानका बारेमा आधिकारिक निकायले पुष्टि नगरेपनि बिभिन्न अडकलबाजीहरु सञ्चारमाध्ययाम प्रकाशन प्रसारण हुदाँ थप त्रास देखिएको थियो ।