गोकर्णबाट १२ जना जुवाडे पक्राउ

काठमाडौँ । काठमाडौँको गोकर्णेश्वर नगरपालिका–६ स्थित नयाँ बस्तीबाट प्रहरीले १२ जना जुवाडेहरूलाई पक्राउ गरेको छ । नयाँ बस्तीको पहेँलो पुल नजिकै ४० बर्सिया सन्चिमाया बाइवाको टिनको टहराबाट उनीहरूलाई पक्राउ गरिएको जिल्ला प्रहरी परिसर काठमाडौँले जनाएको छ ।

प्रहरी वृत्त बौद्धबाट खटिएको टोलीले शनिवार राति उनीहरूलाई पक्राउ गरेको हो । जुवा खालबाट ५९ हजार ८५ रुपैयाँ नगद र १६ थान कौडा बरामद गरिएको छ । घटनाबारे प्रहरीले अनुसन्धान गरिरहेको छ ।