विश्वकप फुटबलमा अन्तर्गत आज चार खेल हुँदै

काठमाडौं – विश्वकप फुटबल अन्तर्गत आज चार खेलहरु हुँदैछन्। कतार विश्वकपमा बिहीबार समूह जी र समूह एच का दुई दुई खेलहरु हुनेछन्।

पहिलो खेलमा समूह जी मा रहेको स्विजरल्याण्ड र क्यामरुनबीच प्रतिस्पर्धा हुनेछ। स्विजरल्याण्ड र क्यामरुनबीचको खेल नेपाली समय अनुसार दिउँसो पौने चार बजे सुरु हुनेछ।

यस्तै दोस्रो खेलमा समूह एच को उरुग्वे र दक्षिण कोरियाबीच प्रतिस्पर्धा हुनेछ। उरुग्वे र दक्षिण कोरियाबीचको खेल साँझ पौने ७ बजे सुरु हुनेछ। विश्वकप अन्तर्गत नै बिहीबार हुने तेस्रो खेलमा उपाधि दाबेदार पोर्चुगल र घानाबीच प्रतिस्पर्धा हुनेछ। समूह एचमा रहेको पोर्चुगल र घानाबीचको खेल राति पौने १० जे सुरु हुनेछ।

त्यस्तै आजै हुने चौंथो खेलमा ब्राजिलले सर्बियाको सामना गर्नेछ। समूह जीमा रहेको ब्राजिल र सर्बियाबीचको खेल राति पौने १ बजे हुनेछ।​मध्येपूर्वको मुस्लिम राष्ट्रमा पहिलो पटक आयोजना भईरहेको विश्वकपमा ३२ राष्ट्रले प्रतिस्पर्धा गरिरहेका छन् ।

सहभागी राष्ट्रलाई आठ समूहमा विभाजन गरिएको छ । यस विश्वकपमा कुल ६४ खेल हुनेछ। आठ रंगशालामा आयोजना भईरहेको विश्वकपको फाइनल डिसेम्बर १८ मा हुनेछ ।