कोरोनालाई जितिएको अहिले नै घोषणा गर्न चाँडो हुने विज्ञको दावी

Sunrise Bank Middle Size

अमेरिकाका वरिष्ठ सरुवा रोग विषेशज्ञ एन्टोनी फाउचीले कोरोना भाइरसविरुद्धको लडाई अहिले नै जितिएको घोषणा गर्नु हतार हुने दाबी गरेका छन् ।

सङ्क्रमण रोगसम्बन्धी अमेरिकाको राष्ट्रिय संस्थाका निर्देशकसमेत रहेका फाउचीले कोरोना भाइरसबाट सङ्क्रमित र मृतकहरुको संख्या घटे पनि कोरोनालाई जितिसक्यो भन्न नहुने बताएका हुन् । “हामीले अहिले नै कोरोनाभाइरसविरुद्धको जित भइसक्यो भनेर घोषणा गर्न चाहँदैनौँ, किनकी हामी अहिले पनि त्यससँग लडिरहेका छौँ,” उनले भने ।

तर धेरैभन्दा धेरै व्यक्तिहरुले खोप लगाइसकेको र समुदायस्तरमै खोप अभियान पुगेकाले रोगबाट सुरक्षाको अवस्था भने राम्रो रहेको उनको भनाइ छ ।

अमेरिकी एक प्रतिष्ठित पत्रिकासँगको कुराकानीका क्रममा उनले कोरोना भाइरसको खतरा भने पूर्ण रुपमा अन्त्य भइनसकेको उल्लेख गरे । भाइरसको नयाँ नयाँ भेरियन्ट आइरहेकाले पनि खतरापूर्ण अवस्था भने रहिरहने उनको तर्क छ ।

अमेरिका अहिले पनि सबैभन्दा धेरै सङ्क्रमितहरु भएको मुलुकमा पर्दछ । अमेरिकामा अहिलेसम्म कुल तीन करोड ४० लाख ४८ हजार ८ सय जना कोरोना भाइरसबाट सङ्क्रमित भएका छन् । ती मध्ये ६ लाख ९ हजार ७ सय ६७ जनाको मृत्यु भएको छ ।

Prabhu Bank Middle Size
Kumari Bank Middle Size
Loading...