रुसले भन्यो- अमेरिका नर्ड स्ट्रिम पाइपलाइनलाई ध्वस्त पार्न चाहन्छ

रुसको विदेश मन्त्रालयले अमेरिका र नेटोले नर्ड स्ट्रिम एक र दुई पाइपलाइनलाई नष्ट गर्न चाहेको बताएको छ।

रुसी विदेश मन्त्रालयका प्रवक्ता मारिया जाखारोभाले क्यानडाकी विदेशमन्त्री मेलानी जोलीसँगको पत्रकार सम्मेलनमा अमेरिकी विदेशमन्त्री एन्टोनी ब्लिन्केनले भनेका कुराबाट उनको नियत स्पष्ट भएको बताइन्।

मारियाले टेलिग्राममा भनिन्, ‘ब्लिन्केनले अमेरिका र नेटोले नर्ड स्ट्रिम १ र २ ग्यास पाइपलाइनहरू नष्ट गर्न चाहेको कुरा बिना कुनै हिचकिचाहट गरिरहेको छ।’

मारियाले टेलिग्राममा लेखेकी छिन्, ‘ब्लिन्केनले भने कि ग्यास पाइपलाइनबाट युरोप जाँदैछ। नर्ड स्ट्रिम २ लाई युरोपमा ग्यास पठाउन अनुमति छैन। नर्ड स्ट्रिम १ लाई रुसले एक साता अघि नै रोकेको थियो । ब्लिन्केनले भने कि रूसले ऊर्जा आवश्यकतालाई हतियारको रूपमा प्रयोग गरिरहेको छ।’

रुसी विदेश मन्त्रालयका प्रवक्ता जाखारोभाले भनिन्, ‘रुसले कहिल्यै ऊर्जालाई हतियारको रूपमा प्रयोग गरेको छैन। अहिले रुस र सोभियत संघले युरोपलाई ग्यास दिँदै आएको छ । यसमा कहिल्यै कुनै बाधा आएन, विगत ५० वर्षदेखि अमेरिका यस विषयमा झुट बोल्दै आएको छ ।’

नोर्ड स्ट्रिम एजी कम्पनीले सेप्टेम्बर २६ मा पाइपलाइनमा ठूलो क्षति पुगेको जनाएको छ । मिडिया रिपोर्टका अनुसार नर्ड स्ट्रिम पाइपलाइन नजिकै दुईवटा विस्फोट भएको थियो। डेनमार्कको समाचार एजेन्सीले ठूलो मात्रामा ग्यास समुन्द्रमा लिक भएको बताएको थियो । यसका वरपरका क्षेत्रमा जहाजको आवतजावत बन्द गरिएको छ ।

नर्ड स्ट्रिम टु करिब १२०० किलोमिटर लामो यो ग्यास पाइपलाइन परियोजना बाल्टिक सागर हुँदै पश्चिम रुसदेखि उत्तर(पूर्वी जर्मनीसम्म जान्छ।

यस परियोजनामार्फत रुसबाट जर्मनी जाने प्राकृतिक ग्यासको आपूर्ति दोब्बर बनाउने लक्ष्य राखिएको थियो । हाल रूसबाट जर्मनीमा ग्याँस नोर्ड स्ट्रिम पाइपलाइनबाट जान्छ, जुन २०१२ मा निर्माण गरिएको थियो।

यो आयोजना सफल भएमा यो पाइपलाइनले जर्मनीलाई हरेक वर्ष ५५ अर्ब घनमिटर ग्यास आपूर्ति गर्नेछ । यो आयोजना रुसी राज्यको ग्यास कम्पनी ‘गाजप्रोम’को स्वामित्वमा रहेको छ ।