निर्वाचनमा अन्तर्घात गर्नेलाई कारबाही गर्छौ : प्रचण्ड
काठमाडौं– नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले स्थानीय तह निर्वाचनमा पार्टीभित्रको अन्तर्घातबारे छानविन गर्न गठित समितिको प्रतिवेदन अनुसार कारबाही प्रकृया अघि बढाइने बताएका छन् ।
पार्टी कार्यालय पेरीसडाँडामा समिति संयोजक टंक राइले पेश गरेको प्रतिवेदन बुझ्दै प्रचण्डले प्रतिवेदन पदाधिकारीका बीचमा छलफल हुने र आवश्यक कारबाही अघि बढाइने बताएका हुन् ।
प्रचण्डले भने, ‘छानविन समितिका साथीहरुले विना कुनै स्वार्थ जे देख्नुभयो त्यहि ल्याउनुभयो । विधिसम्मत पार्टी चलाउन यो प्रतिवेदनले मद्यत पुर्याउँछ । अन्य पार्टीलाई पनि सिकाइ हुन्छ । ’
प्रचण्डले राजनीतिलाई सहि ढंगले अघि बढाउन र राजनीतिमा देखिएको विकृति विसंगतिलाई समाधान गर्न प्रतिवेदनको अर्थ रहने बताए ।
