गुल्मी – नेकपा एकीकृत समाजवादीका सम्मानित नेता एवम् पूर्व प्रधानमन्त्री झलनाथ खनालले नेपालमा बामपन्थी एकता आवश्यक रहेको बताएका छन् ।
सोमबार गुल्मी सदरमुकाम तम्घासमा पत्रकार भेटघाट कार्यक्रममा बोल्दै नेता खनालले जनवादी र समाजवादी क्रान्तिको कालखण्डमा पनि बामपन्थी शक्तिहरुको एकता नै आवश्यक रहेको बताए ।
‘मैले हिज पनि बामपन्थी एकताको पक्षमा बोल्दै आएको थिए ।’ नेता खनालले भने ‘एकताका लागि ठुला भनिने दल र तिनका नेताहरुले चाहानुपर्छ ।’ तर अहिले ठुला भनिने कम्युनिष्ट पार्टीहरुले बामपन्थी एकता नचाहेका कारण तत्काल एकता हुने सम्भावना नभएको उनले बताए ।
माओवादी केन्द्रसँग पार्टी एकताको चर्चा चलेको सम्बन्धमा नेता खनालले नेकपा एस र माओवादीको बीचमा वैचारिक निकटता देखिएपनि तत्काल पार्टी एकताको सम्भावना नरहेको बताए ।
