जसपाको प्रवक्ता बने मनिष सुमन

काठमाडौं – जनता समाजवादी पार्टी (जसपा)को प्रवक्ताको जिम्मेवारी मनिष कुमार सुमनले पाएका छन् ।

यसअघि जसपाको प्रवक्ता डम्बर खतिवडा थिए । पार्टी अध्यक्ष उपेन्द्र यादवले सुमनलाई प्रवक्ताको जिम्मेवारी दिएका हुन् ।

जसपाबाट बाबुराम भट्टराई अलग भएपछि उनले पनि जसपा छाडेका थिए । भट्टराईले माओवादी केन्द्रको चुनाव चिह्नबाट निर्वाचनमा भाग लिने निर्णय गरेपछि खतिवडाले पार्टी नै छाडेको घोषणा गरेका थिए ।