बलात्कार आरोपमा भक्तपुरबाट एक जना पक्राउ

काठमाडौँ– बलात्कारको आरोपमा प्रहरीले भक्तपुरबाट एक पुरूषलाई पक्राउ गरेको छ।

काठमाडौं उपत्यका अपराध अनुसन्धान कार्यालयले एक जनालाई बिहीबार पक्राउ गरेको प्रहरी उपरीक्षक कृष्णप्रसाद कोइरालाले जानकारी दिए।

रामेछाप खाँडादेवी गाउँपालिका– ८ घर भई भक्तपुर सूर्यविनायक नगरपालिका-५ सल्लाघारी बस्ने ४४ वर्षीय पदमध्वज भण्डारीलाई पक्राउ गरेको हो। उनलाई प्रहरीले बिहीबार बिहान साढे १० बजे पक्राउ गरेको हो।

उनीविरूद्ध चितवन जिल्ला अदालतबाट मंगलबार पक्राउ पूर्जी जारी भएको थियो।