नवनिर्वाचित उपसभामुख भुसाल भन्छिन् –‘संविधानको पक्षधर र लोकतन्त्रवादीहरुको जित’

नवनिर्वाचित उपसभामुख पुष्पा भुसालले आफ्नो जित संविधानको पक्षधर र लोकतन्त्रवादीहरुको जित भएको बताएकी छन् । उपसभामुखमा विजयी भएपछि संसद भवन नयाँ बानेश्वरमा पत्रकारहरुसँग कुरा गर्दै उनले यस्तो प्रतिक्रिया दिएकी हुन् ।

भुसालले भनिन्, ‘संविधानको पक्षधर र लोकतन्त्रवादीहरुका लागि खुसीको दिन हो । लामो समयदेखि रिक्त रहेको उपसभामुख पदमा निर्वाचन भयो र संसदको सबै पदहरुले पूर्णता पाएको छ ।’

तत्कालीन उपसभामुख तुम्बाहाम्फेले १२ माघ २०७६ माघमा राजीनामा दिएपछि रिक्त भएको उपसभामुख पदका लागि शुक्रबार निर्वाचन भएको हो । चुनावमा भुसाल र एमालेकी विद्या भट्टराई प्रतिस्पर्धामा थिए । १४८ मत ल्याएर भुसाल विजयी भइन् । भट्टराईले ९३ मत प्राप्त गरिन् ।

 

फेसबुकबाट प्रतिक्रिया
सम्बन्धित समाचार