ओलीले सरकार र पार्टी मनपरि ढंगले चलाउन खोजेको खनालको आरोप (भिडियो)

ओलीकै कारण मुलुक अस्थिरताको भूमरिमा फसेको उनको तर्क

Sunrise Bank Middle Size

नेकपा एमालेका वरिष्ठ नेता झलनाथ खनालले प्रधानमन्त्री तथा एमाले अध्यक्ष केपी शर्मा ओलीले सरकार र पार्टीलाई मनपरि ढंगले चलाउन खोजेको आरोप लगाएका छन् ।

आइतबार काठमाडौंमा युवा संघको प्रथम पूर्ण बैठक र सपथ ग्रहण कार्यक्रममा उनले एमाले र माओवादीलाई पूर्ववत दलको रुपमा फर्काउने सर्वोच्चको आदेशपछि ओलीले मनपरि ढंगले पार्टी र सरकार चलाउन खोजेको आरोप लगाएका हुन् ।

विभिन्न पदाधिकारीलाई हटाउने, महाधिवेशन कमिटी बनाउने र विधान संशोधन गर्ने ओलीको निर्णय आफूहरुलाई मान्य हुन नसक्ने उनले बताए ।

ओलीले मन्त्रीपरिषद् समेत एकलौटी ढंगले विस्तार गरेको भन्दै गुटलाई प्रश्रय दिएको उनले जिकिर गरेका छन् । खनालले ओली दक्षिणपन्थी प्रवृत्तिमा चलिरहेको आरोप समेत लगाए । उनले संसद विघटन गर्ने असंवैधानिक कदमका कारण मुलुक अस्थीरताको भूमरिमा फसेको तर्क गरेका छन् ।

Prabhu Bank Middle Size
Kumari Bank Middle Size
Loading...