प्रचण्डले इमान्दारिता नदेखाउँदा एकता टुटेको ओलीको आरोप

नेकपा (एमाले)का अध्यक्ष केपी शर्मा ओलीले प्रचण्ड इमान्दार नभएकाले नेकपा विभाजन भएको आरोप लगाएका छन्। शुक्रबार च्यासलस्थित पार्टी केन्द्रीय कार्यालयमा आयोजित कार्यक्रममा उनले यस्तो बताएका हुन्।

ठूलो दुखका साथ सफलता हात परेको पार्टीलाई प्रचण्डले प्रतिक्रियावादीसामु अर्पण गर्दा आफूलाई दुःखित बनाएको उनको गुनासो छ। पार्टी एकताका वेला दिएको सिट संख्यालाई चरम दुरुपयोग गरेको ओलीले बताए । प्रचण्डले आफूलाई साधारण सदस्यबाट समेत निष्कासन गरे पनि आफूले त्यसलाई जोगाएर अघि बढाएको ओलीको भनाइ छ ।

‘हामीले प्रचण्डलाई लखेटेको होइन। प्रचण्डसँग त एकता नै गरिएको हो। तर, प्रचण्डले एकता गर्दा पनि इमान्दारिताका साथ गर्नुभएन। एकताबद्ध रहँदा पनि इमानका साथ काम गर्नुभएन। र, बेइमानपूर्ण ढंगले हट्नुभयो। एकताको निम्ति बनाइदिएको कमिटी, एकताको निम्ति दिइएको संख्या त्यसलाई यति चरम दुरुपयोग गर्नुभयो कि पार्टीको अध्यक्षलाई साधारण सदस्यबाट निष्कासन गर्नुभयो,’ उनले भने।

फेसबुकबाट प्रतिक्रिया
सम्बन्धित समाचार