पेट्रोलियम पदार्थको मूल्य घटाउनु पर्ने शेखर कोइरालाको माग

पेट्रोलियम पदार्थमा मूल्यवृद्धि भएको भन्दै नेपाली कांग्रेसका नेता शेखर कोइरालाले पूर्वाधारलगायत कर तत्कालका लागि नलिन सरकारसँग आग्रह गरेका छन्। शुक्रबार सामाजिक सञ्जालमार्फत कोइरालाले जनतालाई महँगीका बेला सरकारले राहत दिनुपर्ने बताएका हुन् ।

‘जनतालाई महंगीको चपेटावाट बचाउन र आर्थिक गतिविधि गतिशील बनाई राख्न सरकारले पेट्रोलियम पदार्थको मूल्यमा लाग्ने कर घटाउनुपर्छ,’ उनले उल्लेख गरेका छन् ।

उनले अन्तर्राष्ट्रिय बजारमा पेट्रोलको मूल्य नघट्दासम्म पूर्वाधारलगायत विभिन्न शीर्षकका कर नलिन सरकारसँग आग्रह गरेका छन्। कोइरालाले प्रतिलिटर २६.६२ रूपैयाँ मूल्य नघट्दासम्म ती कर नलिने सरकारले निर्णय गर्नुपर्ने बताएका छन्।

फेसबुकबाट प्रतिक्रिया
सम्बन्धित समाचार