विद्यालय आएका शिक्षकको मापसे जाँच

गुल्मीको धुर्कोट गाउँपालिका–४ , जैसीथोकस्थित पञ्चायन माध्यमिक विद्यालयमा आइतबार विद्यालय समयमा शिक्षकले अन्य शिक्षकहरू सँग हो–हल्ला गरेपछि उनलाई प्रहरी बोलाएर मापसे जाँच गराइएको छ । पञ्चायन माध्यमिक विद्यालयका शिक्षक खिमहाहदुर महतलाई वस्तु प्रहरी चौकीका प्रहरीहरू बोलाएर मापसे जाँच गराइएको हो ।

विद्यालय आउन साथ हाजिर रजिस्टर हेर्दै आफूलाई मर्यादा क्रममा किन तल राखेको भन्दै त्यहाँ उपस्थित दुई तीन जना शिक्षक सँग झगडा गर्न थाले पछि मदिरा सेवनको शङ्का लागेर प्रहरीको शब्दमा मापसे चेक गर्न पठाइएको त्यस विद्यालयले जनाएको छ ।

प्रहरीका अनुसार शिक्षकको रिपोर्टमा मापसे देखिएको छ । विद्यालयका प्रधानाध्यापक कृष्णचन्द्र पन्थी मापसेको रिपोर्ट आफूलाई प्राप्त नभएको र यसबारे सोमबार छलफल हुने बताए ।

फेसबुकबाट प्रतिक्रिया
सम्बन्धित समाचार