चेरीले नेपालमा आफ्नो फ्ल्यागसिप मोडल टिग्गो ८ प्रो लन्च गर्दै

✍️: टिभी अन्नपूर्ण 🕒 प्रकाशित: २०७९ जेष्ठ २९, आईतवार १८:५७

नेपालमा चेरी कारको लागि एकमात्र आधिकारिक वितरक एसपीजी अटोमोबाइल्स प्रालिले चेरी ब्रान्डको फ्ल्यागसिप मोडल टिग्गो ८ प्रो नेपाली बजारमा सार्वजनिक गरेको छ । चेरी टिग्गो ८ प्रोमा चेरीको टेक्नोलोजी समावेश छ र यो १.६ टिजिडिआई र ७ डिसिटिको संयोजनले भरिएको छ ।

टिग्गो ८ प्रो यही क्याटागोरीको शीर्ष १० मा सूचीबद्ध गरिएका थिए । यो गाडीमा फुल एलईडी लक्जरी लाइटिङ्ग सेट र विशेष लक्जरियस लेदर सिटहरु स्ट्यान्डर्डको रुपमा उपलब्ध छन् भने चेरी अटोमोबाइलले नयाँ पुस्तामा यस मोडललाई ‘लक्जरियस्ली डेकोरेटिभ टेरेस्ट्रियल फ्लाइट ककपिट’ को रुपमा निर्माण गर्न प्रयास गरिरहेको छ । चेरी टिग्गो ८ प्रोको पावर १.६ लिटर टर्बोचाज्र्ड ग्यासोलिन डिरेक्ट इन्जेक्सन इन्जिन, जसलाई सुपर पावरफुल ‘चाइना हार्ट’ इन्जिन भनिन्छ, र जिइटिआरएजिको ७–स्पिड डुअल–क्लच ट्रान्समिसनले सुसज्जित छ । विशेष गरी, १.६ टिजिडिआइ लाई २०१९ मा ‘चाइना हार्ट’ १० उत्कृष्ट इन्जिनहरू मध्ये सूचीबद्ध गरिएको छ, जसको अधिकतम पावर १४५ किलोवटा छ भने २९० एनएमको पिक टर्क छ ।

एरो इन्जिन टेक्नोलोजी र चेरी जस्ता अत्याधुनिक प्रविधिहरूको मूल्याङ्कन गर्ने मापदण्डहरू जस्तै स्मार्ट कम्बस्सन सिस्टम, इन्टेलिजेन्ट स्टार्ट–स्टप प्रकार्यको साथ १.६ टिजिडिआइ इन्जिन उत्कृष्ट एक्सेलेरेशन र अल्ट्रा–लो इन्धन खपत ल्याउन ७ डिसिटिसँग पूर्ण रूपमा मेल खान्छ । यसले चेरी टिग्गो ८ प्रो लाई ८.९ सेकेन्डमा १०० किलोवाटको गति बढाउन क्षमता दिन्छ र इन्धन खपत १.६ टिजिडिआइ इन्जिनको लागि प्रति १०० किलोमिटर ६।८एल जति कम गर्छ ।

टिग्गो ८ प्रोको लम्बाई, चौडाई र उचाई क्रमशः ४७२२ इस्टार १८६०इस्टार १७४५ मिलिमिटर छ । चेरी टिग्गो ८ प्रो पारिवारिक शैलीमा नयाँ पुस्ताको ‘पिक ग्रिल’ डिजाइन अवधारणामा आधारित छ । यसमा भएको इन्टिग्रेटेड डाइनामिक टर्निङ सिग्नल सहितको फुल एलईडी हेडल्याम्प र म्याट्रिक्स डायमण्ड जस्तो फ्रन्ट ग्रिल डिजाइनले एक अद्वितीय, त्रि–आयामिक र हार्ड–एज्ड भिजुअल इफेक्टको प्रतिनिधित्व गर्दछ । यसका साथै टायर प्रेसर मोनिटरिङ सिस्टम, १८ इन्चको अलोय ह्विल, मेमोरी इनेबल मिरर, स्टाइलिस एलईडी ब्रेक लाइट र सिक्वेन्सियल टर्न सिग्नल सहितको एलईडी टेलल्याम्पले कलात्मक सुन्दरता र उच्च प्रविधिको साथ फ्ल्यागशिप दृश्य अनुभवलाई पुनः आकार प्रदान गर्छ । यसमा १९६ मिलिमिटरको प्रभावशाली ग्राउन्ड क्लियरेन्स छ जसले यसलाई सबै भू–भागका लागि उपयुक्त बनाउँछ ।

चेरी टिगो ८ प्रोको इन्टेरियर लक्जरियस्ली डेकोरेटिभ टेरेस्ट्रियल फ्लाइट ककपिट डिजाइनमा आधारित छ, जसमा सोनी साउन्ड सिस्टम, ब्लुटुथ कनेक्टिभिटी, क्रुज कन्ट्रोल जस्ता अत्याधुनिक प्रविधिको प्रयोग औलाको टुप्पाबाटै गर्न सकिन्छ भने इन्टेलिजेन्ट भ्वाइस कमान्ड र मल्टी फङसनल स्टेयरिङ ह्विलको समेत प्रयोग गर्न सकिन्छ । यो कार रोल्यान्ड पर्पल, कार्बन क्रिस्टल ब्ल्याक, राइन ब्लु, न्यु खाकी ह्वाइट, सेलाडन ग्रे र ज्वेल रेड गरी विभिन्न ६ कलरमा उपलब्ध हुनेछ । कम्पनीले टिग्गो ८ प्रोफ्ल्यागसिप मोडलको मूल्य रु ९९,५०,०००।०० तोकिएको छ ।

चेरी अटोमोबाइल कम्पनी लिमिटेडको स्थापना सन् १९९७ मा भएको थियो । यो चीनमा अवस्थित विश्वव्यापी अटोमोबाइल ब्रान्ड हो । विगत २० वर्षमा, चेरीले पाँचवटा विश्वव्यापी अनुसन्धान र विकास आधारहरू मार्फत ५,५०० भन्दा बढी सदस्यहरूको अनुसन्धान र विकास टोली स्थापना गरिसकेको छ र चिनियाँ अटोमोबाइल ब्रान्डहरूमध्ये इन्जिन, ट्रान्समिसन, चेसिस र अन्य मुख्य प्रविधिहरूको सबैभन्दा शक्तिशाली अनुसन्धान र विकास क्षमता छ । सन् २०१२ मा चेरी र ज्यागुअर ल्यान्ड रोभर मोटर्सले चेरी ज्यागुअर ल्यान्ड रोभर मोटर्स कम्पनी लिमिटेडको स्थापनाका लागि संयुक्त रूपमा लगानी गरेका थिए ।

फेसबुकबाट प्रतिक्रिया