यार्सा संकलकको सुरक्षामा खटिएका प्रहरीको मृत्यु
मुगुमा एक प्रहरी कर्मचारीको लेक लागेर ज्यान गएको छ । कार्मारोङ गाउँपालिका २ ठुलिकोशी रिमारमा यार्सा संकलन सुरक्षार्थ खटिएका प्रहरी सहायक हवल्दार राजबहादुर सिंहको लेक लागेर ज्यान गएको हो ।
हिजो बिहानदेखि टाउको दुख्ने र स्वासप्रस्वासमा समस्या भएको र सीमा प्रहरी चौकी मुगुमा ल्याइ उपचारको लागि उनलाई हेलिकप्टरबाट साढे ११ बजे उद्धार गरी कोहलपुरस्थित मेडिकल कलेजमा पुर्याइएको थियो ।
कोहलपुर मेडिकल कलेजमा आज दिउँसो सवा २ बजेतिर मृत्यु भएको प्रहरीले जनाएको छ । कोहलपुर नगरपालिका–११ बाँके घर भएका सिंह २०६७ सालमा प्रहरी जवानमा भर्ना भएका थिए ।
