माओवादीका जनप्रतिनिधिलाई हिमालयन होटलमा रात्रिभोज

नेकपा माओवादी केन्द्रले स्थानीय तहको निर्वाचनमा निर्वाचित पार्टीका जनप्रतिनिधिहरुलाई रात्रिभोज दिने भएको छ।

कमलपोखरीस्थित कुमारी हलमा जारी प्रशिक्षणका क्रममा रहेका जनप्रतिनिधिहरुलाई बुधबार साँझ हिमालयन होटलमा रात्रिभोज दिने कार्यक्रम रहेको एक नेताले जानकारी दिए ।

कार्यक्रममा जनप्रतिनिधिहरुलाई स्थानीय सरकार सञ्चालन, सेवा प्रवाह, विकास निर्माण, सुशासन, स्वास्थ्य, शिक्षा, बजेट तथा कानून निर्माणलगायत विषयमा विज्ञहरुले प्रशिक्षण दिइनेछ । पार्टीका शीर्ष नेता एवं सङ्घीयताविद्, अर्थतन्त्र विज्ञ, पूर्वमहान्याधिवक्ता, स्थानीय सरकार सञ्चालनका विज्ञ, पूर्वप्रशासकलगायतले विभिन्न विषयमा सहभागीलाई प्रशिक्षण दिने माओवादीले जनाएको छ ।