काठमाडौंको मेयरमा बालेन निर्वाचित भएको घोषणासँगै सुरू भयाे धन्यवाद र्याली
काठमाडौं महानगरपालिकाको मेयरमा बालेन्द्र साह (बोलेन) निर्वाचित भएको औपचारिक घोषणा भएको छ । घोषणासँगै विजय उत्सव सुरु भएको छ ।
सभागृहमा मेयर निर्वाचित भएको घोषणासँगै समर्थकले बालेनको साथमा विजय जुलुस निकालेका छन् । उनीहरूले यसलाई विजय उत्सव नभई धन्यवाद र्याली भनेका छन् । लौरो चुनाव चह्न लिएर स्वतन्त्रबाट उम्मेदवार बनेका बालेन ६१ हजार ७६७ मतका साथ विजयी भएका हुन् ।
र्यालीमा हज्जारौं बालेनका समर्थकको सहभागिता छ । राष्ट्रिय सभागृहबाट सुरु भएको र्याली भद्रकाली, शहीदगेट, हुँदै त्रिपुरेश्वर र कलंकीसम्म पुग्नेछ । त्यहाँबाट फेरि स्वयम्भु, बालाजु, महाराजगञ्ज, चाबाहिल, गौशाला, एयरपोर्ट, सिनामंगल, पुरानो बानेश्वर, मैतिदेवी, पुतलीसडक, बागबजार हुँदै खुल्लामञ्चमा गएर समापन गरिने छ ।
फेसबुकबाट प्रतिक्रिया