राष्ट्रिय फुटबल टिमको कप्तानबाट किरणलाई हटाइयो, नवयुगलाई जिम्मेवारी

फरवार्ड नवयुग श्रेष्ठ नेपाली राष्ट्रिय फुटबल टिमको कप्तानमा नियुक्त गरिएको छ ।अखिल नेपाल फुटबल संघले उनलाई कप्तानको रुपमा नियुक्त गरेको हो ।

अर्को वर्ष चीनमा आयोजना हुने एसियन कप छनोटको प्रशिक्षणका क्रममा मुख्य प्रशिक्षक अबदुल्लाह अल्मुताइरीले कप्तान किरण चेम्जोङसहित १० जना खेलाडीलाई टिमबाट निकालेपछि श्रेष्ठ कप्तान बनेका हुन् ।

माल्दिभ्समा व्यावसायिक फुटबल खेलिरहेका किरणले निकालिएका खेलाडीको समर्थनमा अभिव्यक्ति दिएपछि उनलाई पनि टिममा स्थान दिइएन ।

किरणसहित १० खेलाडीलाई टिम बाहिर राख्दै प्रशिक्षक अल्मुताइरीले एसियन कप छनोटका लागि राष्ट्रिय टिमको घोषणा गरेका थिए ।