शिक्षकले दुर्व्यवहार गरेको भन्दै सेन्ट लरेन्स कलेजका विद्यार्थी आन्दोलित

काठमाडौंको चाबहिल स्थित सेन्ट लरेन्स कलेजमा शिक्षकले दुर्व्यवहार गरेको भन्दै विद्यार्थीहरु आन्दोलित भएका छन्।

आज बिहानदेखि विद्यार्थीहरुले दुर्व्यबहार गर्ने शिक्षकलाई पक्राउ गरेर अनुसन्धान गर्नु पर्नेभन्दै आन्दोलन गरेपछि प्रहरी कलेजमा पुगेको छ। आन्दोलित विद्यार्थीले कलेज र शिक्षकविरुद्ध नारावाजी पनि गरेका छन् । ती शिक्षकले ‘आफूले भनेअनुसार गरे सहयोग गरिदिने भनेर गलत मनसायले भनेको’ विद्यार्थीहरुको आरोप छ ।

‘शिक्षकले दुर्व्यवहार गरेको भन्ने जानकारी आएको छ। हाम्रो टोली पुगेर घटनाको जानकारी लिइरहेको छ’ महानगरीय प्रहरी परिसर काठमाडौंका एक प्रहरी अधिकृतले भने।

आक्रोसित विद्यार्थीहरुले गौशलास्थित प्रहरी कार्यालय अगाडि पनि प्रर्दशन गरेका छन्।