बारामा पेस्तोलसहित दुईजना पक्राउ

बारा जिल्लाको निजगढ नगरपालिका ११ स्थित रतनपुरीबाट सशस्त्र प्रहरी र नेपाल प्रहरीको संयुक्त टोलीले एउटा कटुवा पेस्तोल, खुकुरी र रडसहित दुई जनालाई पक्राउ गरेको छ। पक्राउ पर्नेमा सोही ठाउँ बस्ने २४ वर्षीय रुद्र प्रसाद चौधरी र २५ वर्षीय शिवकुमार चौधरी छन्।

सशस्त्र प्रहरी बल नेपाल सुरक्षा वेश रतनपुरीलालबाट खटिएको सशस्त्र प्रहरी र नेपाल प्रहरीले उनीरुलाई शंका लागि जाँच गर्दा रुद्र प्रसाद चौधरीको साथमा एउटा कटुवा पेस्तोल र शिवकुमार चौधरीको साथमा एउटा खुकुरी र दुई थान रड फेला पारेको सशस्त्रले जनाएको छ।

उनीहरुले प्रयोगमा ल्याएको बा ८ प ३५६३ र बा २५ प ९८१४ नम्बरको मोटरसाइकलसमेत बरामद गरिएको छ।