तारकेश्वर नगरपालिकामा कांग्रेसको अग्रता, पछ्याउँदै एमाले

काठमाडौंको तारकेश्वर नगरपालिकाको प्रमुखमा नेपाली कांग्रेसले अग्रता लिएको छ । ३ हजार ८७२ मत गणना हुँदा कांग्रेसका उम्मेदवार कृष्णहरि महर्जनले १ हजार ६३८ मतका साथ अग्रता लिएका हुन् ।

उनका निकटतम प्रतिस्पर्धी नेकपा एमालेका उम्मेदवार रामेश्वर बोहोराले १ हजार ३५१ मत प्राप्त गरेको नगरपालिकाका निर्वाचन अधिकृत चपला पोखरेलले जानकारी दिइन् ।

यस्तै, उपप्रमुखमा नेपाली कांग्रेसकी उम्मेदवार सिर्जना बुर्लाकोटीले १ हजार ५५७ र नेकपा एमालेकी उम्मेदवार भवानी डोटेलले १ हजार ३६२ मत प्राप्त गरेकी छन् ।

कुल ११ वडा रहेको तारकेश्वर नगरपालिकामा ३५ हजार ८२ मतदाता रहेकोमा २६ हजार ७०२ मत खसेको थियो ।

फेसबुकबाट प्रतिक्रिया
सम्बन्धित समाचार