विगतमा झलनाथ खनाललाई टिकट दिएर गल्ती गरेँ : अध्यक्ष ओली

काठमाडौं । नेकपा एमालेका अध्यक्ष केपी शर्मा ओलीले एमालेका कार्यकर्ता र जनताले जिताएका व्यक्ति नै पार्टी सिध्याउन अग्रसर भएको बताएका छन् । उनले विगतमा झलनाथ खनाललाई टिकट दिनु गल्ती भएको बताए । उनले भुलवस बाटो बिराउनेहरुलाई एमालेमा फर्किन आग्रह समेत गरे ।

झलनाथको गृहजिल्ला इलामको माइ नगरपालिकामा आयोजित चुनावी कार्यक्रमलाई सम्बोधन गर्दै अध्यक्ष ओलीले पार्टी सिध्याएर कांग्रेसको पछि लागेकाहरुबाट सचेत हुन चेतावनी दिएका हुन् ।

ओलीले भने, ‘एमालेको भोटबाट, एमालेका कार्यकर्ताको मेहनतबाट चुनाव जितेका झलनाथ खनालहरु आज कांग्रेसको झम्के पुच्छर भएका छन् । कांग्रेसको जिउमा झिँगा बस्नासाथ झम्के पुच्छर भएर हल्लिने भएका छन् । यस्तालाई विगतमा टिकट दिनु मेरो भूल भयो ।’
जनसभालाई एमाले उपाध्यक्ष सुवास नेम्वाङले पनि सम्बोधन गरेका थिए ।

फेसबुकबाट प्रतिक्रिया
सम्बन्धित समाचार