वृद्धभत्ता हामीले सुरु गरेका हौँ, ओली गुटले होइन : माधव नेपाल

सत्ता साझेदार नेकपा एकीकृत समाजवादी पार्टीका अध्यक्ष माधवकुमार नेपालले नेकपा एमालेका अध्यक्ष केपी शर्मा ओलीलाई गफाडीको संज्ञा दिएका छन्।

एकीकृत नेपाल कम्युनिस्ट पार्टीसँग बिहीबार आयोजित एकता कार्यक्रमलाई शान्तिनगरमा सम्बोधनका क्रममा उनले ओलीले ३ वर्षे शासनकालमा भ्रष्टाचार मात्रै गरेको आरोप लगाए।

उनले नेकपा एमालेको सरकारको पालामा सुरु भएको सामाजिक सुरक्षा भत्ता अभियानको जस पनि आफैंले लिए। अध्यक्ष ओली गफमा अगाडि भएको बताउँदै आफूहरु काम अगाडि रहेको पनि उनले जिकिर गरेका छन्।