श्रीलंकालाई विश्व बैंकले ६० करोड अमेरिकी डलर सहयोग गर्ने

काठमाडौं । चरम आर्थिक संकटबाट गुज्रिरहेको रहेको श्रीलंकालाई विश्व बैंकले ६० करोड अमेरिकी डलर सहयोग गर्ने भएको छ । श्रीलंकन राष्ट्रपतिको संचार विभागले जानाकारी गराए अनुसार विश्व बैंकले श्रीलंकामा अत्यावश्यक वस्तुहरुको आयात गर्नको लागि उक्त सहयोग उपलब्ध गराउने भएको हो ।

सन् १९४८ यताकै सबै भन्दा ठुलो आर्थिक संकटको सामना गरिरहेको श्रीलंकामा हाल खाना , इन्धन , औषधी लगायतका अत्यावश्यक वस्तुहरुको समेत चरम अभाव देखिन थालेको छ । आर्थिक संकटको सामना गर्न हाल श्रीलंकाले अन्तर्राष्टिय मुद्रा कोषसँग पनि वार्ता गरिरहेको छ ।

राष्ट्रपतिको संचार विभागकाले जारी गरेको विज्ञप्ती अनुसार विश्व बैंकले आगामी दिनहरुमा पनि थप सहयोग उपलब्ध गराउने प्रतिवद्धता व्यक्त गरेको छ ।

फेसबुकबाट प्रतिक्रिया
सम्बन्धित समाचार