काठमाडौं महानगरपालिकामा तालमेलको विपक्षमा कांग्रेस

नेपाली कांग्रेसको काठमाडौं महानगरपालिका समितिले स्थानीय तह निर्वाचनमा तालमेल गर्न नहुने बताएकाे छ। आइतबार विहान बसेको बैठकले कांग्रेस एक्लै प्रतिस्पर्धा गर्न सक्षम रहेकाे भन्दै निर्वाचनमा तालमेल गर्न नहुने बताएकाे हाे ।

मेयर, उपमेयर र ३२ वटै वडाका अध्यक्ष अन्य दललाई छोड्न नहुने मत बलियो रहेको सचिव सुशन वैद्यले जानकारी दिए । ‘महानगर कार्यसमितिको बैठकले तालमेल गर्न हुँदैन भन्ने प्रष्ट म्याण्डेट दिएको छ । सबैजनाले कुनै पनि हालतमा गठबन्धन गर्न हुँदैन भन्नुभएको छ’, वैद्यले भने ।