निर्वाचन सारिए लोकतन्त्र दुर्घटनामा पर्छ : प्रमुख निर्वाचन आयुक्त

प्रमुख निर्वाचन आयुक्त दिनेश थपलियाले निर्वाचन सारिएको खण्डमा लोकतन्त्र दुर्घटनामा पर्ने बताएका छन् । शनिबार जनकपुरमा आयोजना अन्तरकियामा बोल्दै प्रमुख निर्वाचन आयुक्त थपलियाले लोकतन्त्रको प्राण वायु निर्वाचन रहेकाले सबैले स्वच्छ रुपमा सम्पन्न गराउन सहयोग गर्नुपर्नेमा जोड दिए।

“निर्वाचन हुन्छ वा हुदैन भन्ने संसय उत्पन्न हुने खालको अभिव्यक्ति कतैबाट आउनु भएन। यसप्रति निर्वाचन आयोग गम्भीर रहेको छ,” उनले भने।

निर्वाचनको मिति घोषणा गर्नुअघि सबै प्रकारले छलफल भएको उल्लेख गर्दै थपलियाले तयारी चलिरहेको अवस्थामा कुनै पनि हालतमा निर्वाचन नसारिने बताए। उनले यस्तो खालको अभिव्यक्तिले निर्वाचन कार्यक्रम नै प्रभावित हुने बताए।

अब कसैले चाहेर पनि निर्वाचनको मिति सार्न नसकिने बताए। “क्षेप्यास्त्र प्रक्षेपण भएपछि त्यसलाई तलमाथि गर्ने प्रयास गरियो भने दुर्घटना अवश्य नै हुन्छ, त्यसैले निर्वाचन निर्धारित मितिमै हुन्छ,” थपलियाले भने।

फेसबुकबाट प्रतिक्रिया
सम्बन्धित समाचार