भरूवा बन्दुक पड्किँदा २८ वर्षीय सागरको मृत्यु

बाराकाे जितपुर-सिमरा उपमहानगरपालिका-१६ मा भरूवा बन्दुक पड्केर एक जनाको मृत्यु भएको छ।    जिल्ला प्रहरी कार्यालयका अनुसार मृत्यु हुनेमा २८ वर्षीय सागर सिंजाली मगरको  रहेका छन् ।

प्रहरीका अनुसार सपरू घारीमा सिकारीले जंगली जनावर मार्न भरूवा बन्दुक पड्किँदा उनको मृत्यु भएको हो।   भरूवा बन्दुक पड्किँदा उनी घाइते भएका थिए । घाइते भएका उनलाई बयोधा अस्पताल वीरगंज लगिएको थियो । त्यसक्रममा उनको बिहीबार बिहान ३ बजे मृत्यु भएको हो ।

घटनास्थलमा अनुसन्धान गर्न प्रहरी नायब उपरीक्षकको कमान्डमा टोली खटिएको छ।  घटनास्थलबाट एक थान भरुवा बन्दुक बरामद भएको छ।   प्रहरी नायब उपरीक्षकका अनुसार बन्दुक कसको हो भन्ने खुलेको छैन ।

फेसबुकबाट प्रतिक्रिया
सम्बन्धित समाचार