जुवा खेलिरहेको अवस्थामा नगदसहित १३ जना पक्राउ

भक्तपुरको चागुँनारायण नगरपालिकामा सञ्चालित रेष्टुरेन्टबाट जुवा खेलिरहेको अवस्थामा नगदसहित १३ जना पक्राउ परेका छन्।नगरकोट गैरीगाउँमा ३७ वर्षीय मनबहादुर तामाङले सञ्चालन गरेको न्यू गन्तब्य रेष्टुरेन्ट एण्ड होटलबाट जुवा खेलिरहेको अवस्थामा प्रहरीले उनीहरुलाई पक्राउ गरेको हो।

प्रहरीको टोलीले होटलमा छापा मारी जुवाखालबाट १६ थान कौडा, ८ लाख २२ हजार ६० रुपैयाँसमेत पक्राउ गरेको छ। पक्राउ परेका सबैलाई आवश्यक अनुसन्धान गरी कारबाही प्रक्रिया अगाडि बढाएको प्रहरी नायब उपरीक्षक राजु पाण्डेले बताए।