बढ्यो सुनको मूल्य, आज कतिमा हुँदैछ कारोबार ?

नेपाली बजारमा आज सुनको मूल्यमा सामान्य वृद्धि भएको छ ।   नेपाल सुनचाँदी व्यवसायी महासंघका अनुसार मंगलबार छापावाल सुनको भाउ तोलामा १ सय रुपैयाँले बढेर ९८ हजार ८ सय रुपैयाँ कायम भएको छ । यसअघि, सोमबार सुन तोलाको ९८  हजार ७ सय रुपैयाँमा कारोबार भएको थियो ।

मंगलबार तेजावी सुनको भाउ तोलाको ९८ हजार ३ सय रुपैयाँ निर्धारण भएको छ ।

आज चाँदीको भाउ भने घटेको छ  । सोमबार एक हजार तीन सय ५० रुपैयाँमा कारोबार भएको चाँदी मंगलबार तोलामा १० रुपैयाँले गिरावट आएर एक हजार ३४० रुपैयाँमा किनबेच भइरहेको महासंघले जनाएको छ ।