पाकिस्तानका पूर्व प्रधानमन्त्री नवाज शरिफमाथि हमला

लण्डनमा पाकिस्तानका पूर्व प्रधानमन्त्री नवाज शरिफमाथि हमला भएको छ । अज्ञात व्यक्तिले नवाजको कार्यालय अगाडि उनीमाथि फोन फ्याँकेका छन् । हमलामा उनका बडीगार्ड घाइते भएका छन् । यो हमलाका लागि नवाजकी छोरी मरियम नवाजले पाकिस्तानका वर्तमान प्रधानमन्त्री इमरान खानको पार्टी पाकिस्तान तहरिक–ए–इंसाफ पिटिआईलाई जिम्मेवार बताएको छ ।

मरियमले ट्वीट गरेकी छिन्, ‘पिटिआईका जुन व्यक्ति हिंसाको सहारा लिन्छन् वा कानुनलाई आफ्नो हातमा लिन्छन्, उनीहरुलाई पक्राउ गर्नुपर्छ । इमरान खानलाई देशद्रोहका लागि पक्राउ गर्नुपर्छ । यीमध्ये कोही पनि माफीका लायक छैनन् ।’

उनले अर्को एउटा ट्वीटमा भनिन्, ‘इमरान खान आज जे पनि गरिरहेका छन्, त्यो उनीविरुद्ध डोजियर र चार्जशिटमा जोडिनेछ । यो सूची लामो हुँदै गइरहेको छ । उनले आफू र आफ्ना जनताका लागि समस्या र दुःखलाई निम्तो दिइरहेका छन् । पत्रकार सम्मेलनमा उनले जे भने त्यो उनले भोग्नुपर्छ । ’

फेसबुकबाट प्रतिक्रिया
सम्बन्धित समाचार