प्रधानमन्त्री ठ्याक्कै चुनावअघि किन विदेश जानुभएछ ? आएपछि सोध्नुपर्ला : केपी ओली

नेकपा एमालेका अध्यक्ष केपी शर्मा ओलीले प्रधानमन्त्री शेरबहादुर देउवा यतिवेला किन विदेश भ्रमणमा जानुभएछ ? भनेर प्रश्न गरेका छन् । साथै उनले प्रधानमन्त्री आएपछि सोध्ने समेत बताएका छन् । शुक्रबार अनेरास्ववियुको विस्तारित बैठकलाई सम्बोधन गर्दै अध्यक्ष ओलीले चुनावका बेला प्रधानमन्त्री किन विदेश भ्रमणमा जानुभएछ भनेर प्रश्न गरेका हुन् ।

‘प्रधानमन्त्री जी विदेश जानुभएछ, ठ्याक्कै चुनाव अगाडि किन जानुभएछ ?’, पूर्व प्रधानमन्त्री ओलीले भने, ‘आएपछि सोध्नुपर्ला । यति समय जानुभएन यतिबेलै किन जानुभयो ?’ एमालेले प्रधानमन्त्रीको भारत भ्रमणबारे विपक्षी दलसँग कुनै सल्लाह नगरेको भन्दै असन्तुष्टि समेत जनाइसकेको छ ।