रुस-युक्रेन युद्ध : विश्वभर उर्जा संकट हुन सक्ने, बेलायतमा चप्पलको समेत अभाव

रुस युक्रेन युद्धका कारण विश्वमा आर्थिक संकटका साथै ऊर्जा संकटसमेत आउने प्रक्षेपण गरिएको छ । विश्व बजारमा तेलदेखि लिएर दैनिक उपभोग्य वस्तुको समेत अभाव हुन थालेको छ ।

तर, उता बेलायत भने अहिले एउटा अनौठो संकटबाट गुज्रिरहेको छ । बेलायतले अहिले राष्ट्रियस्तरमा चप्पल संकटको सामना गरिरहेको छ । बेलायतमा देशभर नै हाल चप्पलको चरम अभाव देखिएको छ ।चप्पल संकटसँगै बेलायतमा होटल तथा स्पाहरूले आफ्ना ग्राहकहरूलाई घरबाटै चप्पल ल्याउन अनुरोध गर्न थालेका छन् । होटल रेष्टुरेन्ट तथा स्पाहरूले मात्र होइन आम मानिसहरूले पनि बजारमा चप्पल पाउन मुस्किल परिरहेको छ ।

बेलायती होटल तथा स्पा घरहरूले आफैले चप्पल ल्याउनका लागि अनुरोध गर्ने गरेको कुरा मानिसहरूले ट्रिप एडभाइजर नामक साइटमा खुलासा गरिरहेका छन् । आफैंले चप्पल बोकेर जानुपर्दा निकै समस्या परेको कतिपयको गुनासो छ ।

स्मरण रहोस् बेलायतमा कोरोना महामारी पश्चात् ठूला मालवाहक सवारी साधनका चालकको संख्यामा निकै कमी आएको छ । यसअघि होटलहरूले आम ग्राहकलाई सित्तैमा प्रयोग गर्न दिने चप्पल जस्ता चिजहरू एकैपटकमा ठूलो परिमाणमा खरिद गर्दथे । कोरोनाको समयमा चप्पलको आपूर्ति भएन जसका कारण होटल र स्पाहरूमा चप्पलको कमी भैरहेको छ ।

फेसबुकबाट प्रतिक्रिया
सम्बन्धित समाचार