सेयर बजार राताम्मे, झन्डै ५ पाँच अर्ब रुपैयाँको कारोबार

आज साताको पहिलो कारोबारका दिन सेयर बजार परिसूचक ४१ अंकले घटेको छ । कारोबार समयदेखि घट्न थालेको नेपाल स्टक एक्सचेञ्ज (नेप्से) अन्तिम समयसम्म आइपुग्दा करिब ५० अंकले घटेर बन्द भएको हो ।

यसक्रममा आज निर्जीवन बीमा समूह बाहेक सबै समूहमा गिरावट आएको छ । निर्जीवन बीमा समूहमा भने १३३ अंकको वृद्धि आएको छ । यसबाहेक, जीवन बीमा समूह अन्तिम समयमा समालिन नसक्दा ९८ अंकले घटेको छ ।

यस्तै, उत्पादनमूलक समूह १४५ अंक, विकास बैंक समूह १४५ अंक, अन्य समूह ९३ अंक, होटल एण्ड टुरिजम समूह ६६ अंक र व्यापार समूह ५५ अंकले घटेको छ । यस्तै, कारोबारमा आएका अन्य सबै समूहका सूचक समेत घटेका छन् ।

बजार ४१ अंकले घटेपनि आज नेप्सेमा जीवन विकास लघुवित्त संस्थाको सेयर मूल्य १० प्रतिशतले बढेको छ । आज एकै दिन कम्पनीको सेयर मूल्य ३०० रुपैयाँ बढेर प्रतिकित्ता ३३ सय रुपैयाँ पुगेको छ ।

फेसबुकबाट प्रतिक्रिया
सम्बन्धित समाचार