चुरोट खाने विषयमा बिवाद हुँदा भतिजाको हत्या

गोरखा । चुरोट खाने विषयमा विवाद हुँदा काकाले भतिजको हत्या गरेका छन् । गोरखा नगरपालिका १२ छापगाउँका ५९ वर्षिय पदमबहादुर कुमालले भतिज नाता पर्ने ४६ वर्षिय काशीराम कुमालको हत्या गरेका हुन् ।

अत्याधिक मदिरा सेवन गरेका काका पदमबहादुर कुमालले चिर्पटले टाउकोमा हिर्काउँदा काशीरामको मृत्यु भएको जिल्ला प्रहरी कार्यालयका एसपी केदार खनालले बताए।

फागुन २१ गते राति उक्त घटना भएको र बुधबार पिडकलाई पक्राउ गरी जिल्ला अदालतबाट सात दिनको म्याद थप गरेर अनुसन्धान गरिरहेको एसपी खनालले बताए। मृतकका छोरा अप्सर कुमालले बाबुको हत्या भएको भन्दै प्रहरीमा किटानी जाहेरी दिएका छन्।

फेसबुकबाट प्रतिक्रिया
सम्बन्धित समाचार